عايز تتوب؟!!!!

زائر

عايز تتوب
........:مش عارف
مش عارف ايه؟
تتوب ولا مش عارف ازاي
........:الاتنين
طيب اسأل قلبك...اكيد نفسك تتوب صح
........:اه
طيب عايز تتوب ليه ؟
عشان خلاص مش قادر تبعد عنه اكتر من كده
عشان خايف من ربنا ولا عشان مكسوف تقابله بذنوبك
عشان مالقيتش غيره هو اللي صح
عشان عرفت قد ايه هو بيحبك وانه هو لوحده حبك الحقيقي
ولا عشان رحمته وسعت كل شيئ وقد اي نعمه عليك كتييييييير
ولا عشان خلاص ظهرك تقل من كتر الذنوب اللي عليه
ولا عشان هو غفور رحيم يقبل التوبة عن عباده ويعفو عن السوء
ولا عشان سيئاتك تتبدل حسنات
ولا عشان الامتحانات قربت
ولا عايز تتوب عشان موقف حصلك وعرفت انه انذار من ربنا
ولا عايز تتوب عشان والدك زعلان منك
ولا عايز تتوب عشان مامتك ترضي عنك
ولا عايز تتوب عشان البنت اللي بتحبها قالتلك صلي
ولا عايز تتوب عشان الشلة بتاعتك ملتزمة شوية
وانتي عايزة توبي عشان تعجبي الواد ويعرف انك ملتزمة
ولا عايزة تتوبي عشان وحشك الالتزام
عشان ما تبقيش في الكاسيات العاريات اللي قال عليهم النبي
ولا عايزة تتوبي عشان تلبسي الحجاب
ولا عايزة تتوبي وتلتزمي عشان زي ما بيقولو تتجوزي عشان هما بينقوا المحترمة
ولا عشان نفسك تصلي ركعتين وتخشع فيهم وتقرا القرءان وتبكي شوية قبل ما تموت
ولا عشان نفسك تخش الجنه اللي فيها ما لا عين رأت ولا أذن سمعت ولا خطر علي قلب بشر
ولا عشان خايف من النار اللي اكبر من نار الدنيا بسبعين ضعف
ولا عشان الموت بيجي فجأة وخايف من سوء الخاتمة
ولا عشان تنصر أمتك المستضعفة
ولا عشان جالك مرض فجأة وقالولك انك خلاااااااص هتموت
ولا عشان ما يجيش الموت فجأة وتموت علي معصية
فكر شوية وجاوب قلي انت عايز تتوب ليه ولو مالقيتش اختارك حاجة من حاجات كتيييييييييير تخليك تتوب
بس بعد ما تجاوب استعد عشان السؤال التاني
عايز تتوب من ايه؟
من الذنوب والمعاصي
ولا من اخلاقك الوحشة
ولا من معاكسة البنات
ولا من الاغاني وصور الممثلات اللي ع الموبايل
ولا من قصة حب مش عارف تنساها
ولا من البنات اللي مشيت معاها
ولا من الغيبة والنميمة
ولا من عقوق والدين
ولا من بعدك عن الصلاة والذكر
ولا من صلاة الفجر اللي مش عارف تصحالها
ولا من شلة الأنس اللي مصاحبها
ولا من سيجارة لازقة في بقك مش قادرة تبطلها لله
ولا يمكن من الماكياج وشعرك اللي باين وجمالك اللي ربنا انعم عليكي بيه وانتي سايباه للي عايز يتفرج
ولا من اللبس الضيق والمحزق والملزق والموضة
ولا عايزة تتوبي من كام قصة حب فاشلة
عايز تتوب من ايه بالظبط؟
اكيد هتلاقي الف سبب يخليك تتوب واكيد هتلاقي الف حاجة تتوب منها
عشان كده لازم تتوب
........:طيب لو تبت هيتغفرلي
ايوة ان شاء الله "إن الله يغفر الذنوب جمعيا" و
وقال صلي الله عليه وسلم
" إِنَّ اللَّهَ عَزَّ وَجَلَّ يَبْسُطُ يَدَهُ بِاللَّيْلِ لِيَتُوبَ مُسِيءُ النَّهَارِ ، وَيَبْسُطُ يَدَهُ بِالنَّهَارِ لِيَتُوبَ مُسِيءُ اللَّيْلِ حَتَّى تَطْلُعَ الشَّمْسُ مِنْ مَغْرِبِهَا "
" مَنْ تَابَ قَبْلَ أَنْ تَطْلُعَ الشَّمْسُ مِنْ مَغْرِبِهَا تَابَ اللَّهُ عَلَيْهِ"
عشان كده بقولك حدد هدفك شوف نيتك قبل ما تتوب لازم تبقي راجع له هو مش راجع عشان مصلحة
مش راجع عشان سبب في نفسك مش راجع الا عشانه هو عشان يغفر ويرحم ويتكرم ويسامحك
لازم تحدد نيتك قول يارب مش عايز ذنوب تاني مش عايز غيرك انت مش عايز غير رحمتك وعفوك وغفرانك
قووووووووووووووول يارب راجع عشانك راجعلك انت راجعلك يارب
فأهم حاجة في التوبة نيتك الخالصة لله
........:طيب خلاص نويت وعايز اتوب اعمل ايه؟
أول اركان التوبة: الإقلاع عن المعصية
أي تركها فيجب على شارب الخمر أن يترك شرب الخمر لتُقبل توبته والزاني يجب عليه أن يترك الزنا، أما قول: أستغفر الله. وهو ما زال على شرب الخمر فليست بتوبة.
تاني اركان التوبة: الندم علي ما فعلت من ذنوب
وده بيكون ندم من قلبك علي كل ثانية ضيعتها وكل ذنب فعلته وانت في غفلة وانك كل ما تفتكر اللي عملته تبكي او علي الاقل تحس بالندم وتتمني انك ما عملتوش وتدعي ان ربنا يغفرهولك
تالت اركان التوبة: العزم علي عدم العودة
يعني انك تنوي علي عدم العودة الي طريق الشيطان والذنوب ده تاني ان شاء الله نية خالصة وانك هتبدأ صفحة جديدة ما فيهاش غير طاعتك لربنا وبس
رابع اركان التوبة: ان تعيد الحقوق الي اهلها
وهذا الشرط يتعلق بالبشر الذين ظلمتهم او سرقت موالهم او تعديت عليهم بغير حق وان تطلب منهم ان يسامحوك
وتعيد اليهم حقوقهم لقوله صلي الله عليه وسلم " من كان لأخيه عنده مظلمة، فليتحلله قبل أن لا يكون دينار ولا درهم"
الركن الخامس والاخير: أن تكون التوبة قبل الغرغرة، والغرغرة هي بلوغ الروح الحلقوم، فمن وصل إلى حدّ الغرغرة لا تقبل منه التوبة، فإن كان على الكفر وأراد الرجوع إلى الإسلام لا يقبل منه، وإن كان فاسقًا وأراد التوبة لا يقبل منه؛ وقد ورد في الحديث الشريف: «إن الله يقبل توبة العبد ما لم يغرغر« رواه الترمذي وقال حديث حسن.

ويشترط أن تكون قبل الاستئصال، فلا تقبل التوبة لمن أدركه الغرق مثل فرعون لعنه الله

وكذلك يشترط لصحتها أن تكون قبل طلوع الشمس من مغربها، لما صح عن النبي عليه الصلاة والسلام: «إن في المغـــرب بابًا خلقــه الله للتوبة مسيرة عرضه سبعون عامًا لا يُغلق حتى تطلع الشمس منه« رواه ابن حبان.

وقال عليه الصلاة والسلام: «من تاب قبل أن تطلع الشمس من مغربها تاب الله عليه« رواه مسلم.فمن أراد الله به خيرًا رزقه التوبة النصوح والكاملة والثبات عليها حتى الممات.
رزقنا الله واياكم التوبة النصوح
ولكن هل تقف همتنا عند ذلك بالطبع لا
هناك اشياء كثيرة تساعدك علي البقاء والثبوت وان شاء الله ربنا يتقبل توبتك
وهناك اشياء اخري تعود بك الي نقطة الصفر من جديد
اشياء تساعدك في الثبات علي التوبة
1. البكاء وكثرة الدعاء الي الله والتقرب منه والتلذذ بطاعته
2. مصاحبة الاخيار من اهل الطاعة
3. تعلم العلم النافع من فقه ودين وشريعة وفهم الدين الصحيح وقراءة السيرة والنبوية والكتب النافعة
4. المداومة علي قراءة القرءان
5. المدوامة علي الصلوات الخمس
6. حضور الدروس العلمية في المساجد وسماع الخطب والمواعظ المؤثرة في الكتب او الشرائط او التلفزيون او الانترنت
7. الاكثار من سماع قصص التائبين وذكر الجنة والنار
8. حدد لنفسك منهجا تسير عليه يوميا ثم حاسب نفسك في نهاية اليوم هل ماذا لك وماذا عليك
ومن الاشياء السيئة التي يجب ان تبعد عنها
1. الصحبة السيئة وتذكر قوله صلي الله عليه وسلم"مثل الجليس الصالح وجليس السوء كحامل المسك ونافخ الكير" وقوله" المرأ علي دين خليله فلينظر احدكم من يخالل"
2. التسويف : وهو ان تؤجل التوبة يعني تقعد تقول بكرة هتوب ويجي بكرة تقول بعده وانت ما تعرفش "فإذا جاء أجلهم لا يستأخرون ساعة ولا يستقدمون" وما تقولش انك لسه صغير ولا لسه العمر قدامك
"فلا تدري نفس ماذا تكسب غدا وما تدري نفس بأي أرض تموت"
3. الاستهانه بالمعصية : يعني تقول انه ذنب ابيض زي الكدبة البيضة وتقول انه صغير ومش هيعمل حاجة بس افتكر ان "لا صغيرة مع الاصرار ولا كبيرة مع الاستغفار"
"لا تحقرن صغيرة ان الجبال من الحصي" وقال صلي الله عليه وسلم " المؤمن يري ذنبه كالجبل، يخاف أن يقع عليه، والمنافق يري ذنبه كذباب وقع على أنفه فقال هكذا وهكذا" يعني هشه من علي انفه فلا تنظر اخي الي صغر المعصية ولكن انظر الي عظمة من عصيته
4. الاتكال علي عفو الله : يعني ما تقولش ربنا هيغفرلي لما اتوب "قل اتخذتم عند الله عهدا" وما تقولش وقت الله يهون الله ده ربنا غفور رحيم بس غفور رحيم لمن تاب واصلح وعمل صالحا مش اللي لسه مصر علي معاصيه
ولازم دايما تبقي ما بين حاجتين اتنين ما لهومش تالت مابين ثقتك وحسن ظنك بربنا وما بين طاعتك له وخوفك منه وفي الحديث القدسي يقول تعالي وهو اصدق القائلين " وعزتي وجلالي لا اجمع لعبدي أمنين ولا خوفين إن هو أمنني في الدنيا خوفته يوم أجمع عبادي وإن هو خافني في الدنيا أمنته يوم أجمع عبادي"
"أنا عند ظن عبدي بي فليظن عبدي بي ما شاء" وقال" إنما هي أعمالكم أحصيها لكم فمن وجد خيرا فليحمد الله ومن وجد غير ذلك فلا يلومن إلا نفسه"
{يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَصُوحًا عَسَى رَبُّكُمْ أَنْ يُكَفِّرَ عَنْكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِنْ تَحْتِهَا الْأَنْهَارُ} [التحريم:8].
أسأل الله عز وجل، أن يتوب علينا، وأن يوفقنا إلى التوبة الصادقة النصوح.. إنه سميع قريب
وصلى الله على محمد وآله والسلام عليكم ورحمة الله وبركاته

إليك وإلا لا تشد الركائبُ
ومنك وإلا فالمؤمل خائبُ
وفيك وإلا فالغرام مضيعٌ
و عنك وإلا فالمحدث كاذبُ

اقرأ بقية مواضيع هذه السلسلة
هو ربنا بيحبني؟
https://technology.catsboard.com/montada-f5/topic-t301.htm
راجع لك يارب
https://technology.catsboard.com/montada-f5/topic-t513.htm
اللهم علمنا ما ينفعنا وانفعنا بما علمتنا
اللهم اغفر لي ولوالدي ولمن دخل بيتي مؤمنا وللمؤمنين يوم يقوم الحساب
لا تنسونا من دعائكم

جزاك الله خير على الموضع بس انا مقر اتش الموضوع كله عشان طويل وانا وقتي مش ملكي اتمني من الله ان يغمرك بعظيم مغفرته

» عايز اتكلم ___
» قصص نجاح