راجع لك يارب

قلنا المرة اللي فاتت ان ربنا ان شاء الله بيحبنا والدليل علي كده كل النعم اللي حوالينا وكل حاجة واي حاجة فهي بتكون فضل ونعمة منه حتي الشكر وكونك بتقدر تقول يارب دي لوحدها نعمة لا نستطيع شكره عليها "وان تعدوا نعمة الله لا تحصوها" لذلك فيجب علينا ان نحمده عليها "رب أوزعني ان اشكر نعمتك التي انعمت علي وعلي والداي وان اعمل صالحا ترضاه وادخلني برحمتك في عبادك الصالحين"
وقلنا كمان ان كل انسان بيحب ربنا من جواه سواء عاصي او طائع لربنا لأن دي الفطرة اللي خلقنا ربنا عليها.
طيب لسه بقي ما جااااش الوقت اللي عايز تقوله فيه سامحني يا حبيبي لسه ما حانتش اللحظة اللي حسيت فيها ان هو الله وانك من غير رحمته تبقي ولا حاجه لسه مانتهزتش فرصتك وانت حي لسه ما نفسكش تقوله راجع لك يارب لســه
في كل مكان معاك رحمته محوطاك في كل حته نعمه ماليه عليك حياتك نفسك بين ايديه قلبك بين اصابعه لسه برضه عايز تعصاه
لسه ما آنش الأوان عشان تتوب بقي
أَلَمْ يَأْنِ لِلَّذِينَ آمَنُوا أَنْ تَخْشَعَ قُلُوبُهُمْ لِذِكْرِ اللَّهِ وَمَا نَـزَلَ مِنَ الْحَقِّ وَلا يَكُونُوا كَالَّذِينَ أُوتُوا الْكِتَابَ مِنْ قَبْلُ فَطَالَ عَلَيْهِمُ الأَمَدُ فَقَسَتْ قُلُوبُهُمْ وَكَثِيرٌ مِنْهُمْ فَاسِقُونَ
لسه مش عايز تدوق الحب الحقيقي مش عايز تعرف اجمل لذة في الدنيا احلي نعيم هتشوفه مش عايز تقرب منه حتي بعد ما عرفت انه بيحبك مش عايز تقوله وحشتني يارب ووحشتني سكتك
ها لسه فاكر انه ناسيك لسه عينك ما بكتش من ذنوبك لسه ظهرك ما انحناش من معاصيك لسه ماشي ورا الشيطان في طريق آخره النار وسايب جنه عرضها السموات والارض اعدت للأبرار
لما كل الناس بتقفل الباب في وشك بابه مفتوحلك
لما كل الناس بترفض صوتك هو بيسمعك
لما كل الناس تظلمك هو بيرحمك
خايف من ايه
خايف من ايه كل يوم بيمدلك ايده ويقول هل من تائب فأتوب عليه هل من مستغفر فأغفر له وانته بترفض
خايف من ايه بابه مفتوح لحد يوم القيامة وعمره ما قفله
خايف من ايه ده رحمته وسعت كل شئ
خايف من ايه " قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ "
خايف من ايه انه ما يقبلكش
طيب واللي يقولك مهما عملت (قتلت,سرقت, زنيت,نهبت,شربت خمرة, صاحبت بنات, مالبستيش الحجاب) عملت كل الذنوب اللي في الدنيا ونفس ترجع بس قول يارب وهتلاقيه بيقولك لبيك لبيك لبيك عبدي
خايف من ايه"ان الله يحب التوابين ويحب المتطهرين" يعني عارف انك بتعصاه بس هو عارف ان نفسك ضعيفه وعارف ان مالكش غيره عايزك تذنب وتتوب عشان تعرف قيمة نعمه عليك عايز يشوف دموعك انه الله يحب انين المذنب وهو يطلب عفوه ورحمته قال النبي صلي الله عليه وسلم "لو لم تذنبوا لأتي الله بقوم غيركم يذنبون ثم يستغفرون الله فيغفر لهم "
طيب مستني ايه وبابه مفتوح علي طول
كل يوم بيمدلك في عمرك عشان عايزك تتوب
كل يوم بينادي عليك ويقول هل من تائب فأتوب عليه
مستني ايه يقول تعالي "فَمَنْ تَابَ مِنْ بَعْدِ ظُلْمِهِ وَأَصْلَحَ فَإِنَّ اللَّهَ يَتُوبُ عَلَيْهِ إِنَّ اللَّهَ غَفُورٌ رَحِيمٌ "
مستني ايه وربنا بيقول "يا ابن ادم ! إنك ما دعـوتـني ورجوتـني غفرت لك على ما كان منك ولا أبالي ، يا ابن آدم ! لو بلغـت ذنـوبك عـنان السماء ، ثم استغـفـرتـني غـفـرت لك ، يا ابن آدم ! إنك لو اتيتني بقراب الأرض خطايا ثم لقيتـني لا تـشـرك بي شيئا لأتـيـتـك بقرابها مغـفـرة"
"من تقرب اليا شبرا تقربت اليه ذراعا ومن تقرب اليا ذراعا تقربت اليه باعا ومن اتاني يمشي اتيته هروله"
ها لسه مستني حاجه تاني "وَاللَّهُ يُرِيدُ أَنْ يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَنْ تَمِيلُوا مَيْلا عَظِيمًا " يعني ربنا عايز يتوب عليك وانت مش عايز
طيب هو ربنا محتاج توبتك طبعا لأ لأن ربنا غني عن العالمين لا محتاج توبتهم ولا تغني طاعتهم في ملكه شيئ ولا يقلل عصيانهم له من ملكه شيئ بس ربنا بيحبنا عشان كده عايزنا نرجعله ونمشي في طريقه عشان من صفاته الرحمة والمغفرة والعفو فهو بيحب يشوف اثر صفاته دي علي خلقه
طيب مستني ايه اوعي تقول هتوب كمان شوية "فلا تدري نفس ماذا تكسب غدا وما تدري نفس بأري أرض تموت" يعني لو جالك ملك الموت مش هينفع تقول "رب ارجعون"
"كلا اذا بلغت الحلقوم وانتم حين اذن تنظرون"
مستني ايه (منصب ,جاه, مال, سلطان, زوجة, اولاد) " وَمَا الْحَيَاةُ الدُّنْيَا إِلا مَتَاعُ الْغُرُورِ "
مستني ايه "تركتنا فتركناك وعصيتنا فأمهلناك واذا رجعت الينا قبلناك"
مستني ايه "ان الله ارحم بك من امك"
مستني ايه " إن الله يفرح بتوبة عبده ، ومثل ذلك برجل فقد راحلته في أرض مقفرة وعلى راحلته طعامه وشرابه حتى أيقن الرجل أنه هالك لا محالة حيث لا طعام ولا شراب في مفازة لا يعلمها إلا الله فجاء إلى شجرة فنام تحتها ينتظر الموت قد يئس من الحياة ، وبينما هو كذلك جاءت ناقته وجعلت خطامها في يده ، فقام فرحا مسرورا يشكر ربه" فالله اشد فرحا بتوبة عباده من هذا الرجل "
هااااااااااااااااااه مش كفاية بقي
لسه ما وحشكش حبيبك
لسه ما وحشكيش شكلك بالحجاب
لسه عايزين نبعد عنه
لك مين غيره ايه حايشك عنه بقي "ان الله يقبل التوبة من عباده ما لم تطلع الشمس من مغربها"
بابه مفتوح ورحمته واسعه وعفوه كبيييييييييير"كتب ربكم علي نفسه الرحمة"
مستني ايه هو عارف انك بتعصاه وبيسترك وبتذنب ويمهلك بتغضبه وهو بيرزق بتنساه وبينعم عليك
مستني ايه مش عايز تعيش احلي يوم في حياتك يوم كيوم ولدتك امك "يوم توبتك لله"
مستني ايه
تعالي وابكي واندم واصرخ وقوله آسف ياحبيبي عدت اليك فاقبلني واغفرلي وارحمني واهديني ونجيني من الشيطان وشركه
تعالي وقول راجعلك يارب

لا تنسونا من دعائكم