علــى رأي المثــل .... أدخل وشـــــــارك

المثل بتاعي انابقي/قليل البخت يلاقي العضم في الكرشه/.
وده علي طول بس الحمد لله المهم كنت مع حد بعزه قوي في مكان جميل نقول جنينه
مثلا في عز الضهر والشمس والعه فمن غبائي قلت نتمشي يمكن نلاقي حته ضل نقعد فيها المهم قعدنا علي ترابيزه تحت شجره وكنت فرحان جدا اننا ما قعدناش في كافيتريا لأن كل اللي كان معايا10جنيه بالظبط فحمدت ربنا وفجأه وانا بحمد ربنا من حيث لا ادري الاقي حد بيقولي تشرب ايه
قلبي وقع ف رجليا ووشي احمر اتاري الحته الضل دي كافتيريا(اهئ اهئ) المهم فقلت للناس اللي معايا تشربوا ايه واستقرينا علي كوكتيل وقعدنا وشربنا وانا عمال افكر هيطلع بكام
تصوروا يا حضرات جلاسين كوكتيل ب12‎.5 ‎جنيه
بس الحمد لله الناس مخدوش بالهم والجرسون ربنا يسامحه ستر عليا واستجاب لعلامات الضعف ونظرات الاسترحام اللي ظهرت علي وشي
وخد العشره جنيه وسكمم بكمم

هههههههههههههههههههههههههههههه
موقف حضرتك جميل
ازيك يا دكتور نادر يارب تكون بصحه وسلامة يااااااااااااااارب بحي حضرتك علي الموضوع ده
المثل بتاعي بقي( اللى لسعته الشوربة ينفخ فى الزبادي)
كنت في الترم الاول في مادة اللغه العربيه انا مش بحب اجي الكليه بدري علشان التوتر وكده كنت بخرج من المدينه الساعه 12.20 المهم في اليوم ده خرجت فعلا بس قبل اصحابي الي معي في الغرفه وصلت الكليه 12.30 اول واحده قبلتها كانت ايناس تقولي ازيك يا ميرو عملتي ايه في العربي سكت بعدها جات سمر تقولي مالك عملتي ايه في العربي بقولها ايه في ايه هي الساعه كام انا شفت الساعه بتعتي شفتها واحده ونص مع انها كانت 12.30 فعلا بقول لاسراء انتو خلصتو الامتحان تقولي اه خلصنا خلاص وكل ده كان هيزار بعد كده اغمي عليا والحمد لله جبت فيها جيد
بعدها بقيت اجي الكليه الساعه 9 الصبح

علي راي المثل( ا للى ما فلح البدرى هيجى المستأخر يجرى)


مرسي ليك يا دكتور

أزيك يا دكتور وكيف الحال
فكره جميله عشان كده اقدر اقول
( أدي العيش لخبازه ولو أكل نصه )
أنا بحب افتح اي جهازي عندي راديو كمبيوتر أو تسجيل المهم كانت اول مره الكمبيوتر سكت خالص ومكنش بينطق وتقريبا كانت حاجه بسيطه المهم روحت فتحت الكيسه وغيرت التوصيلات اللي في البرده و كمان
وصلت البور تاني وشغلت الجهاز والجهاز فتحت بعدها في نص دقيقه قفل تاني خالص

واكتشفت بعد ذلك ان نتيجه مجهودي لم تاتي بالفشل بل اتت بحرق البرده والرامه والحمدلله
والعاقبة عندكم في الخير ان شاء الله

فكره الموضوع لذيذه اوى يا دكتور

ممكن اقول الا تخاف منه ميجيش احسن منه

لما حضرتك اسندت لينا مهمه شرح جزء من المنهج وبجد كانت تجربه رائعه ومفيده جدا ليا انا كنت خايفه مش من الشرح
انا كنت خيفه من الاراء الا هتتقال بعد الشرح عن طريقه التقديم والحمد لله ربنا سترها [b]

موضوع جميل يا دكتور


هنقوووووول

يا خبر بفلوس بكره ينزل عليه اوكازيون


الموقف ده حصل في بدايه أولي جامعه خالص أيام مكنتش عارفه حد في الكليه خالص

بما إني طبعا رايقه

قلت محدش هييجي اول اسبوع اصلا

بس والدي كان بيجيبني من باب الالتزام فقط

كنت بقعد تحت مع نفسي شويه وبمشي



المهم يعني

تقريبا دخلت محاضره مره غلط بالصدفه

ههههههههههه

اكتشفت انهم اولي تكنولوجيا وبياخدوا بقالهم يومين او اكتر


وانا في الباي باي






بس الحمد لله نقلت المحاضرات

وعوضت اللي فاتني