أدخل وأحلم معايـــا أو قول حلمك على الأقـــل

فعلا يا دكتور فكرة حضرتك جميلة جدا وبحييك ذى د محمد

بس فعلا بحلم انه ميبقاش فى ظلم واننا نقضى على الفساد اللى فى البلد وان حاجات كتير تتصلح

بس اعتقد ان دة صعب جدا لانه مش بايدنا

بس فعلا اتمنى ان دة يحصل

بسم الله الرحمن الرحيم


موضوع لذيذ يا دكتور

انا مع حضرتك في ان الاحلام دي سهله فعلا ممكن تحقيقها


بس يا دكتور معلش مفيش حاجه اسمها مستحيل

قاموسي لا يحتوي علي هذه الكلمه



أنا بحلم


ان ربنا يرضي علي الشعب ده

ويبقي شعب كويس

قولوا يا رب بس






ولكم تحياتي

صورة معبره جدا ياسمر جزاك الله خيرا وكأن لسان حالنا يقول كلما تقدمنا خطوة نجد من يعيدنا لنقطة الصفر

اما بالنسبه لحضرتك يا دكتور فبتقول(أللي أعرفه أن الأحلام بتكون حاجة مستحيلة، علشان كدة الواحد بيحلم بيها) ومن هذا المنطلق انا عايز ابقى رئيس جمهورية طبعا انا عارف انه مش هيتحقق؟؟؟؟؟؟؟؟؟

مرسي جدا يا دكتور نادر والله الموضوع حلو كتيييييييييييير
وبجد حضرتك هتكون مقدم برنامج ناجح جدا ان شاء الله
ربنا يوفقك حضرتك للخير ان شاء الله


انا بقى احلامي كتير اوي لو فاضين يلا شوفوا

بحلم ان ربنا يكون راضي عني وعن كل المسلمين
بحلم ان لو في حاجه غلط في حياتي اعرفها عشان اصلحها
بحلم ان كل الناس تتعامل مع بعض كويس من قلبهم مش (من بره هلا هلا ومن جوه يعلم الله)
بحلم ان كل الناس تحب بعضها ما يكون في حقد ولا حسد
بحلم ان يكون في تسامح
بحلم ان كل بلاد المسلمين تتحررمن الاعداء ومن كل حاجه الجهل وغيره يلاش ندخل في00000
بحلم ان كل الناس تكون مبسوطه
بحلم اني اشوف حد بيضحك من قلبه

بحلم ان ماما تكون راضيه عني
بحلم اني اكون عالمة صغيوره كده طبعا جنب الدكتور نادر
بحلم اني ماابعد عن الناس اللي بحبهم ابدا
بحلم ان مشكلتي تتحل وارتاح (حلم بعيد شويه)
بحلم اني ما اكون عصبيه عشان ما اروح فيها!
بحلم ان ما يكون في حد في الدنيا كلها زعلان مني
بحلم ان ربنا يوفقني للي فيه الخير في كل مجالات حياتي
بحلم ان ربنا يوفقكم كلكم وتحققوا كل احلامكم


معلش طولت عليكم بس شكلي كده ما صدقت
ههههههههههههههههههه
بشكر حضرتك تاني يادكتور لان الموضوع خلاني اطلع (جزئ) من احلامي اللي جوايا
يارب بس ماتديقوا من طووووووووووووووول الرد

مرسي

شكرا يادكتور نادر انا فعلا احلامي كانت من قلبي
ويارب احقق منها اي حاجه بس ادعولي لاني بجد محتاجه الدعاء اوي اوي اوي لاني تعبت
والله تعبت اوي
ياااااااااااااااااااااارب

الله يسلم حضرتك يادكتور نادر


شكرا

دكتور نادر السلام عليكم ورحمة الله وبركاته
ازيك يا دكتور عامل ايه يا قمر والله وحشنا جدا جدا والحمد لله ان في حاجه بتجمعنا يارب نتجمع كده في الفردوس الاعلي
ان بحي حضرتك علي الموضوع المتميز والفكرة الجميله دي
وبحي كل الي حلم
احلامي بقي اه نسيت يااااااااااااااااااااااااااااااااارب يا اسراء يحقق احلامك ياااااااااااااااااارب . وتاكدي ا ني انا بدعيلك والله وتاكدي كمان ان معظم احلامك متحقق والحمد لله يارب يكتملو يارب
احلامي بقي
بحلم لو عاد الاسلام يحكم من تاني
بحلم ان ربنا يدخل امي وابي الجنه دون حساب
بحلم اني ما اكون حساسه واخذ الدنيا عاادي
بحلم ان الناس تفهمني صح
بحلم ان يكون ربنا راضي عني ويسترني
بحلم بزوج صالح متدين ومش مشكله فقير _ شحات والله ما فارق معايا اهم حاجه متدين مثلا (محمد حسان _ نصطفي حسني )
بحلم ان ربنا يسترها مع اخواتي دنيا واخرا

الله اعلم ربنا يحققلي احلامي دي ولا بس بتمنها من كل قلبي
وجزاك الله خيرا يا دكتور كان فين الموضوع ده من زمااااااااااااان

جمل ما فيكي أحلامك يا أميرة ....... عندي ليكي عريس لقطة .... عم محروس البقال راجل قريب من ربنا جداً وبيصلي الفرض في الزاوية أللي في أخر الشارع .... أقول مبروك يا جميــل


ياسلام عليك يا دكتور نادر انا قرات اول كلمتين قولت الدكتور هيقول شعر فيا والله
مش متدين نقول مبروك يا دكتور يله وده اقوله يا عم محروس ولا اقوله يابابا
سؤال هو المهر هيكون كيلو سكر وكيلو شاي ولا ايه
مرسي ليك يا دكتور

لا حول ولا قوة الا بالله
اية ياسمر؟
بتجيبى فسيرة الناس المحترمة لية ياسمر وهما مش موجودين ياسمر؟
لا حول ولا قوة الا بالله


بس عادى ياحبيبتى ولا يهمك
اتكلمى براحتك ياروحى

سلام انا بقى

انا كنت معدية
قلت اعدى اخد الجمعية

لا بعد الشر على حضرتك يادكتور

انا مش كنت جاية

دية سمر بقى ربنا يسامحها
قالتلى ادخلى شوية

قلت ادخل اسلم بقى
ازى حضرتك يادكتور
يارب تكون بخير

انا؟
لا ازاى يادكتور
مانا قلت لحضرتك ازيك يادكتور عامل اية؟
مش حصل؟
مانا بسلم اهو


لا بس ازى حضرتك يادكتور عامل اية؟
يارب تكون بخير

ويارب تكونوا كلكم بخيير ياجماعة


وتوتى بتسلم عليكم