حوار مع عضو

واحنا كمان سعدنا مع حضرتك كتييييييييييير وايضا فى الحوار معك

نتمنى لك دوووووووووام التوفيق والخير

السؤال ده وقع منك
أربع سنوات في مرحلة البكالورويس بالكلية .... يا ترى استفدت ايه على المستوى الدراسي وعلى المستوى الأنساني

انا اولا بنعي حظي اني فاتني الحوار مع عملاق تكنولوجيا التعليم د/نادر
وبعدين كمان حبيبي د/محمد شعبان
لأ حرام بس والله ما حد قاللي
المهم انا بعتب علي د/محمد ود/نادر
لأن المفروض ان بسنت مخطوبه من يوم ما‎ ‎د‎/‎نادر جابلي الشنطه
وعلي الأقل انا من سنها
بس الرأي في الآخر للبنت

ايه ياعم الحج احنا هنقطع على بعض من اولها
وقال انا فقير الى الله روح ياعم الله يحنن عليك ويرزقك معندناش حاجه انهارده خلصنا ويبقى عدى علينا فى يوم تانى[center]

ازي حضرتك يادكتور نادر انا موافق مبدئيا حد يطول يناسب سيادتكم
وقدامكم اهو كلكم انا بطلب من دكتور محمد شعبان انه ما يقطعش عليا في موضوع بسنت
وسؤالي ليه هو ليه بيقسم نفسه او بيحسس الناس انه عنده شخصيتين مع ان جواه حاجات جميله بس هو بيخاف يطلعها مش عارف ليه برده وسؤالي التاني حضرتك عندك مواهب وهوايات هيا ايه
بس

حضرتك يا دكتور بتقول راجل واحد بس قول تلاته........... بس ليا عند حضرتك رجاء لو لقيت قدامك جزمه قديمه يبقى قولى لأنى عايز واحده انا كمان ، انا صراحه عندى واحده قديمه بقالها 5 سنين بس مستخسرها فيهم

ماشى ياعم طارق يبقى كده، المهم بجد وحشنى والله ، واخبارك واخبارك اكتوبر!!!!!!!!! خاف على نفسك احنا مراقبينك
اما بالنسبه لأسئلتك فاجابتها كالتالى
1- قولك(ليه بيقسم نفسه او بيحسس الناس انه عنده شخصيتين ) انا بالفعل ليا شيخصيتين بس مش زى ما انتا متصور ، انا ليا شخصيه خارج الكلية او خارج السكشن شخصية مرحه واجتماعية جدا وبحاولك اخرج من كبت الرسميات، اما داخل السكشن فهو طابع الجد لايمنع ادخال روح الدعابة ولكن الأصل الشغل وخارج السكشن نعمل اللى احنا عاوزينه
أمــــــــــــــــــــــــــــــــــــــــــــــــــــــــــــــــــــا ما تقصده وانا عارفه بخصوص المادتين اللى كنت بدرسهم ليكم فكان التناقض فى شخصيتى عن قصد والسبب انى كنت بديكم سكشن تصوير وبعده علطول كنت بديكم سكشن مدخل ولا اخفى عليك سرا انكم فى مادة المدخل كنتم مكبرين دماغكم وكنت حاسس بنوع من اللأمبالاة اما فى التصوير فكنت حاسس بنوع من اللألتزام فبالتالى فى المدخل كنت بتعامل بنوع من الشده والجديه حتى تستيقظوا من نومكم اللى كنت حاسس انه عن قصدكم اما فى التصوير فكنت بتعامل بجو من المرح وبشخصية مغايرة تماما لما فى مادة المدخل وذلك لكان لهدف وهو كنت عايز اوصلكم ان الشخص اللى بيدرسلكم المدخل يختلف عن الشخص اللى بيدرسلكم التصوير فهذا له شأنه وهذا له شأنه لأنى لو خلطت اتجاهى السلبى عنكم فى المدخل مع مادة التصوير كنت بذلك هظلمكم واجور عليكم ولكن اردت ان اوصل لكم بان تعتبروا ان شخصين او معيدين بيديكم المادتين وليس معيد واحد وبالتالى فى التصوير قولتلكم ووعدتكم بان درجاتكم فى التصوير لن تقل عن حد معين وراجعت معاكم حتى قبل الأمتحان العملى وسعيت انى اوصل عنكم اتجاه ايجابى للدكتور هانى اللى بجد مقصرش معاكم جزاه الله خيرا، اما فى المدخل فسبتكم لقضائكم ،فبجد والله مرضتش اتدخل فى اى شئ لا فى درجات اعمال السنه ولافى امتحان العملى ووقفت متفرجا فقط وبالتالى اكيد لمستوا الفرق بين المادتين وارجو ان اكون وصلت لك ما اقصده

2-بالنسبه للمواهب مش عارف بجد بس، ازعم انى امتلك مهارة القياده والإدارة الناجحه اما الهوايات فكرة القدم وعلى فكرة كنت فى الفريق الأول للمدرسه على اختلاف مراحلها وبشترك فى الدورات الصيفه ولكن جاءت الثانوية الله لا يعودها وقلبت الموازين ، كمان بحب اشجع النادى الأهلى ومن عشاقه اكيد طبعا زى نسيبى الدكتور نادر

فين الناس واسئلتكم على فكره انا عندى بريك من المذاكره حتى الساعه واحده وهخرج فبراحتكم..................

اولا : منك لله
ثانيا : منك لله
ثالثا: هوه فى حد مسلطك عليا يا سمر
انا كده مش هقوم اذاكر وانا متهيألى ان سؤال الملكين فى القبر هيبقى اسهل من دول
عموما الأجابه جيه فى الطريق بس المواصلات زحمه

السلام عليكم ورحمة الله وبركاته

اولا ازيك يا مستر محمد ونقولك مبرووووووووووووووووووووووك علي الخطوبه (بسنت ) مقدما
الله يسعدك يا مستر محمد كنا عوزين نسال بس سمر اخذت الاماكن والموصلات زحمة وكمان علشان نعمل حبة ترتيب في الموضوع حضرتك جاوب واحنا هنسال بعد كده والاسئله جيه ولسه بدري عليك الحلو جي (كان بدري عليك عليك بدري)
ومنورنا كلكم وجزاكم الله خيرا

والسلام عليكم ورحمة الله وبركاته

السلام عليكم جميعا
أزي حضرتك يا دكتور نادر ....شكرا علي وجود حضرتك معانا منونا يا دكتور .
أزيك يا دكتور محمد نتمنا تكون بخير ....
نرجو سرعة الاجابه علي الاسئلة لاني لدي اسئلة مخصوصة عشانك .

بالنسبه لشارع يا واحشني رد عليا ازيك سلامات ؟ هوه جمب شارع حبيبى ماشى حافى والأرض بتلسعه ياريتنى كنت جذمه بكعب كنت اقدر انفعه؟

لقه جد بقى

1- الأسم: محمد شعبان سعيد عبد القوى

2- مش عارف بس انا عايش بقالى كتير وتقريبا بيقولوا 24 سنه

3- الفيوم- مركز سنورس- التوفيقية بجوار السيليين- 8 بيت على ايدك الشمالى هتلاقى حراه يمين تدخلى شمال هتلاقى بيتين تدخلى التالت هتلاقى واحد قاعد بيقول لله يا محسنيت هكون انا
4- بكالوريوس تربية نوعية تخصص تكنولوجيا التعليم بتقدير ممتاز مع مرتبة الشرف والوحيد فى الدفعه اللى جاب امتيازات طول الأربع سنين وذلك من فضل ربى

5- هواياتى قراءة الكتب الدينية وممارسة كرة القدم والكتابه
6- الحكمة التي أؤمن بها اذا سالت فاسال الله واذا استعنت فاستعن بالله
7- من هو أكثر واحدبقرأ مواضيعه بالمنتدى .. بشكل عام ؟؟ محدش معين لأنى بكون مضغوط فبخطف اى حاجه تشدنى
8- هل شعرت بالندم يوماً ؟؟ نعم اذا اعطيت لشخص ما ثقتى وسرى ثم اكتشفت فى يوم ما انا نظرتى له ليست فى محلها فاندم على سوء تقديرى وليس على الشخص نفسه

9- ساعة تتمنى أن لا تأتي ؟ ولماذا ؟؟ هيا ساعة مرت واتمنى الا تعود وهيا ايام الثانويه ولماذا لأن لها معى ذكريات مؤلمه وكلما اتذكرها أبكى

10- ماهي طموحاتك في الحياة ؟؟ ان اقتل فى سبيل الله

11- ماهو الشي الذي يثير أعصابك ؟؟ الغباء واللامبالاة
12- ابتسامه صادقه من يستحقها في نظرك ؟؟ زميل لى معيد بكلية الزراعه
13-هل للصدق بحياة الانسان اوقات معينه ؟؟ لأ طبعا
14- ماذا تعني لك دموع المرأه ؟ وأيضا دموع الرجل ؟؟ دموع المرأةعلى حسب توعها ولكن على اية حال رقة المشاعر اما بالنسبة للرجل تعنى الأنكسار

15- اكثر شخصية للمرأة القريبة الى نفسك وتشدك ؟؟ الشخصية الحنونه التى تسع العالم بقلبها
16- جملة تبعث فيها من هنا لامرأة تركت اثراً في حياتك ؟؟ لقد كان لفراقك منذ صغرى سببا للمحة الحزن فى عينى
17- كم مرة احسست بالحب الحقيقي في حياتك ..؟ بالنسبة لأصدقائى فأربعه اما لأنسانه فلم يطرق بابى حتى الآن .

18- لقب ينادونك به اصدقاؤك ؟؟ يا قطان

19- متى اخر مرة وقفت فيها على الميزان لمعرفة وزنك ؟ وكم وزنك ؟؟ اذكر منذ شهر وكان تقريبا 60 كليو قلت الحمد لله ولكن بعدين الراجل قلى اخصم منهم يا استاذ اتنين كيلو علشان الجذمه واللبس
20- من هو أحب انسان لديك ؟؟ أخواتى البنات التلاته وبعديهم زميل لىاسمه محمد محمد أحمد كان قبلى بسنه ولى ظروف ما لم تعين ولكن الحمد لله هوه بيدرس فى معهد بالسعوديه
21- اكثر كلمة تشعر أنها تعبر عنك ؟؟ الوفاء
22- ماذا تقول للذي يرى الحياة بعين خيبة الأمل ؟؟لا يغير الله ما بقوم حتى يغيروا ما بانفسهم
23- هل أنت مع المثاليه الزائدة ؟؟ اذكر قول النبى للأحد الأعراب كان يرتعد من رؤيته هون عليك ما انا الا رجل كانت امه تاكل القديد
24- إذا عملت شي ،، هل تصر على النجاح فيه أو يكفيك شرف المحاوله ؟ انا لا اتولى شيئا الا اذا كنت على يقين انى على قدر المسئولية والا تركته
25-ما أجمل زهرة في حياتك ولمن تهديها ؟؟زهرة الياسمين وأهديها لأخواتى البنات التلاته
26-ماذا تحب و تكره في شخصيك ؟؟ احب فيها العطف الزائد واكره فيه العصبية
27- متى تصاب باليأس ؟؟ اذا كرهت شيئا
28- هل تؤلمك حرارة الأنتظار ؟ ولماذا ؟؟ جدا ولماذا لأنى اشعر ان الوقت ضاع هدرا
29- احلى لحظات حياتك .. متى ؟؟ عدما ارى الفرحه فى وجه أخواتى
30- متى تحس براحه وطمأنينة قلب ؟؟ اذا احسست بانى اديت حق الله عليا
31- شخص تبوح له بهمومك وأسرارك ؟؟ أختى الكبيرة وصديقى محمد محمد
32- عرف حياتك فى اسلوب بسيط؟؟؟؟؟؟؟؟؟حزن ثم الم ثم ظلم ثم فرج
33- ما مدي استفادتك من المجالات الاتية:
الاتصالات أطمئن بها على اصحابى وان كنت لا احب انا ارد على التليفون بصفه عامه وخاصة الأرقام الغريبة
الانترنت صلب شغلى
ما مدي حبك لعملك؟ أعشقة
34- كيف تتغلب على مشكلاتك اليومية او الحياتية؟ باللجؤ الى الله
35- ما مدي تفاهمك مع اقرب الناس اليك؟ رايى خطا يحتمل الصواب ورايه صواب يحتمل الخطأ
36- كيف تكافا الناس المجتهدين؟ وتعاقب المهملين؟ المجتهدين ببذل اقصى ما فى وسعى وان كان ذلك على حساب مصلحتى اما المهملين النصيحه ثم النصيحه ثم النصيحه ثم المقاطعه اى لا كلام ولا سلام

37- ما رايك فى التطور فى عصرنا الحالى؟ فاهمينه خطأ
38- ما هى الاشياء التى تجذبك فى الحياة؟ لا شئ وتستغربه ان قولتلكم انى اتمنى الموت اكثر من الحياة
39- ما هى نظرتك لشباب اليوم؟ مغلوب على امره وضلوا الطريق
40- ما هى البرمجيات الخاطئة التى عثرت عليها في الحياة؟ وما هى الصحيحة؟ مش فاهم


41- يا رب حضرتك متكونش زهقت مني؟ لقه طبع انتى كنتى زى النسمه روحى يا شيخه ربنا يكرمه زى ما كرم السادات قصدى جمال عبد الناصر قصدى مناحم بيجن قصدى لينكنون قصدى روحى مع السلامه وضيعتى عليا مذاكرة اليوم

انا كان مالى ومال المنتديات منا كنت هجوز وأقعد جمب امى كافى خيرى شرى

3- الفيوم- مركز سنورس- التوفيقية بجوار السيليين- 8 بيت على ايدك الشمالى هتلاقى حراه يمين تدخلى شمال هتلاقى بيتين تدخلى التالت هتلاقى واحد قاعد بيقول لله يا محسنيت هكون انا


بجد اجابات حضرتك واضحه وصريحه



انتى كنتى زى النسمه روحى يا شيخه ربنا يكرمه زى ما كرم السادات قصدى جمال عبد الناصر قصدى مناحم بيجن قصدى لينكنون قصدى روحى مع السلامه وضيعتى عليا مذاكرة اليوم


والله يا مستر ربنا اللي عالم اني فعلا بتمني انه يكرمني وياخدني عنده

يااااااااااااااااا رب


ومعلش بقي المفروض متدخلش لمده يومين تعوض المذاكره اللي فاتتك


ومعلش طولت عليكم

اوعى تزعل يا سيادة الأدمن انا بهزر والله............... اه على فكرة انا نسيت اشكرك على الأستيل الجديد ويا ريت تخلوه لأنى عانيت من الأستيل القديم كل ما افتح صفحه الاقى صفحه بيضه
ميرسى كتير على اسئلتك لونى بجد كنت حاسس انى فى لجنة امتحانات

ايوه يادكتور حسسنى ان فى حد واقف جمبى لكن الحلو ما بيكملش انتا حضرتك بتقول (دي لفت على كل المنتديات وجمعت الأسئلة وقالت يلا أحطهم هنا ) والظاهر حضرتك كملت المسيرة وشوفت المنتديات الباقية اللى سمر ما شافتهاش وجببت باقى الأسئلة علشان تخلص عليا اه يانى عموما انا جاااااااااااااااااااااااااااااااااااااهز