الحب دلوقتي

اكيد كل الناس ملاحظة ان الكلام العاطفي والتعبيرات الرومانسية زادت اوي اليومين دول
(حبيبي روح قلبي نور عيني واحشني يا غالي انت فين ياقمر والنعمة الشريفة بموت فيك )
وطبعا الكلام ده مكنش في قاموسنا اليومي قبل كده والكلام ده مش بس بيقوله الراجل للست ولا الست للراجل لا ده بقي حاجة عادية بين الراجل والراجل او الست والست واي حد
وعلي طول كل ما تقابل حد تلاقيه رزعك طقم حنيه من غير مناسبة ويمكن حتي متعرفوش
وطبعا يمكن هو بيقوله من ورا قلبه وانت بتستقبله في الباك اريا بتاع قلبك برضه لأن في الزمن دا مبقاش حد طايق نفسه عشان يطيق غيره اصلا
ده غير الجديد في الموضوع بعد ثورة الاتصالات الحديثة
رسائل sms جاهزة وانت ما عليك غير ان تدوس send وخلاص
وده بيفكرني بفيلم الوسادة الخالية للفنان عبد الحليم حافظ والفنانه لبني عبد العزيز ومكالمات التليفون اللي كانوا هارينها لبعض طول الليل ولبني بتقوله: اقفل بقي يا صلاح وهو مش عايز يقفل الجميل انها كانت بتقول صلاح بطريقه غريبه تخلي اي حد نفسه يبقي اسمه صلاح
ده غير ان مكالماتهم كانت مجانية عشان هيئة التليفونات بتدفع فلوس للي بيتكلم عشان تشجع الناس انهم يشتركوا
اما النهارده بعد ظهور الموبايل ظهرت حاجات جديدة
يالا باي
See you
وبعد ساعتين رغي وكلام فاضي من اللي قلبك يحبه تلاقي اللي بيكلمك يقولك لا اله الا الله
وطبعا لازم ترد تقول محمد رسول الله
Take care
ده غير لو بنت حساسه اوي بتكلمك تقولها الو
تقولك مالك
انت: انا اتكلمت انا بقول الو عادي يعني
هي : لا صوتك في حاجة
انت : يا ست والنعمه ما في حاجه
هي : لا ما تخبيش عليا مالك؟
وطبعا لازم تخترع اي حاجه عشان ما تزعلهاش يعني هي هتتخض علي الفاضي
انت: طيب ما كنتش عايز اقولك دول شوية انفلونزا
فجأه تلاقيها صرخت انفلونزا!! ومرحتش لدكتور ليه لازم تشيك علي نفسك
ها
انت : حاااااااااااضر
الدنيا يا جماعة حوالينا بقت ماليانه حب واحضان دافئة ولقاءات حارة غير ان احنا مش مكفينا عيد حب واحد لا عندنا اتنين واحد في فبراير وواحد في نوفمبر ومش مكفي الحب اللي عندنا كمان
حتي في الافراح تلاقي الكل فرحان وبيرقص بس لو قربت لكل واحد هتلاقي نازل تقطيع في فروة العروسة والعريس
حتي العزا تدخل تلاقي الكل زعلان ومقهور لدرجة انك ما تعرفش الميت قريب مين فيهم ولو قربت منهم هتلاقي كله تمثيل
حب×حب×حب
في كل حته حب في الكافيات في النوادي في الجامعه في المواصلات في المصالح الحكومية
مش شايف غير حب ونظرات وتسبيلات وعواطف ومشاعر نبيلة
خلاص زهقنا عايزين شوية كره بقي
وفي النهاية انا بهدي لكل اعضاء المنتدي عضو عضو كل واحد وردة وبقولهم اني بحبكم موووووووووووووت
وما بنمش غير لما ادخل المنتدي واطمن عليكم واحد واحد يلا باي بقي
See you
Take care

جزاك الله خيرا
بس انا فعلا بحب كل الاعضاء في الله
الموضع من باب الدعابه فقط