مش منقول

نفسي ياجماعه نبطل كلمة منقول وتبقي جميع مواضيعنا نابعه مننا احنا واكيد كل واحد منا جواه حاجات كتيير نفسه يطلعها حتي لو هيخلي بطلها حد غيره عشان محدش يفهموا غلط يعني المواضيع تبقي بتعبر عننا عن شبابنا عن دفعتنا عن مشاعرنا عن احاسيسنا عن خواطرنا عن مشاكلنا عن بلدنا عن اراءنا عن شخصيتنا في هيئة قصه او شعر او خواطر اوموضوع يعني لو كل واحد مسك ورقه وقلم وكتب عن مشهد في حياته بيعبر عن حكمه او مشكله او رأي او نقد او شكر او توجيه او تغيير احسن من اننا نتعب نفسنا وندور علي موضوع منقول وغيرنا نقله وغيرنا هينقله لأن اي حد من السهل جدا يدخل علي النت يبحث عن اللي هو عايزه فأنا مش مجبر اني انقلهولو الا لو عضو شايف انه موضوع ذو اهمية فممكن يكتب بنفسه نبذه عن الموضوع والدروس المستفاده منه مع كتابة الرابط لمن يحب ان يحصل علي الموضوع كامل وانا شايف اننا نقدر نخلي منتدانا لا يحتوي علي لفظ منقول بس نتعب نفسنا شويه وبعدين مش نبقي بتوع تكنولوجيا وتطوير وعايشين في زمن (الموضوع منقول)
مستني ردكم

جزاك الله خيرا